 |
| Gadhafi ကဒါဖီ |
သူ့ခမျာ အဖမ်းခံရပြီးမှ အသတ်ခံရတာပါ။ ဒါက သူကို ဖမ်းဆီးသူတွေရဲ့ ဥပဒေမဲ့ ဒေါသနဲ့ လက်လွန်ခြေလွန်လုပ်ရပ်ပါပဲ။ အရှင်ဖမ်းမိရင် တရားရုံးမှာ တရားစီရင်ဖို့ပဲ ရှိပါတယ်။ ဒီလိုလူတွေ ကမ္ဘာမှာ အတော်များတယ်လို့ ဆိုရမှာပါ။ တရားမျှတမှုကိုတော့ လိုချင်တယ်၊ ကိုယ်တိုင်ကျတော့ တရားဥပဒေကို မလိုက်နာချင်သူတွေပါ။ ကဒါဖီက တရားမစောင့်ခဲ့သလို သူ့ကို ဆန့်ကျင်သူတွေကလည်း တရားမစောင့်တာတွေ့ရပါတယ်။
သူ့ကိုဆန့်ကျင်သူတွေရဲ့ အောင်ပွဲခံနေပုံတွေကလည်း အတော်ကြမ်းပြီး၊ အတော်ကဲတာတွေ့ရပါတယ်။ အာဏာရှင်ကျဆုံးသွားလို့ လွတ်လပ်ပြီ၊ ဒီမိုကရေစီရပြီလို့ သူတို့ရော ကမ္ဘာကပါ ဟူဆလိုက်ကြပါပြီ။ ဒါပေမယ့် ဒီလောက်ကြမ်းတမ်းတဲ့ အပြုအမူတွေပြုမူနေရင် တိုင်းပြည် အေးချမ်းသာယာဖို့ဆိုတာ မလွယ်ဘူးလို့ ဆိုရမှာပါ။
တခါ ကဒါဖီဘက်ကို ကြည့်ပြန်တော့လည်း နှစ်ပေါင်းလေးဆယ်ကြာ အုပ်ချုပ်ရပေမယ့် လူတွေကို စိတ်ကောင်း နှလုံးကောင်း မွေးဖို့ မသွန်သင်ပဲ၊ ကြမ်းတမ်း မောက်မာပြနေတော့ လူတွေက ကြမ်းပဲနေတော့မှာပေါ့။ သားသမီးတွေ ကြမ်းတမ်းရင် မိဘ အသက်ကြီးတော့ ဒုက္ခရောက်မှာပေါ့။ ပြည်သားတွေ ကြမ်းတမ်းရင် အုပ်ချုပ်သူ နာတဲ့နေ ရောက်လာမှာပေါ့။
တကယ်လို့များ အုပ်ချုပ်သူက ရှေ့ဆောင်လမ်းပြ နူးညံ့သိမ်မွေ့ ကြင်နာပြခဲ့ရင် ပြည်သူပြည်သားတွေဟာ စိတ်ကောင်းနှလုံးကောင်းထားဖို့ သင်ယူမိကောင်း သင်ယူနိုင်လောက်ကြပါရဲ့……..
No comments:
Post a Comment